Forloveden min og meg ynskjer eit lite bryllaup med så få inviterte som mogeleg, men likevel ynskjer me å ha dei næraste der, både av vener og familie.

Det har likevel vorte litt dilemma her. Eg har veldig stor familie på mi side, pluss at eg har fleire vener eg har kjempelyst til å invitere. Forloveden min har ikkje så veldig stor familie; begge foreldra er eineborn, så alt han har av familie utanom mor/far/bror er tremenninger og foreldra deira. I tillegg har eg forstått det sånn at han ikkje har så alt for mange vener han ynskjer å invitere.

Hittil har me berre 50 personer, inkl. oss sjølv, men eg føler at meisteparten av lista er mine tanter og onklar, som eg eigentleg hadde innstilt meg på å ikkje invitere ettersom eg trudde han ikkje skulle invitere foreldra til sine tremenninger. Men sidan han har så liten familie vil han gjerne invitere alle, og det skjønar eg kjempegodt og har sagt til han etter litt diskusjon at er greitt. Men eg tykkjer at lista mi over tanter og onklar er alt for lang, og om eg skal kutte ut nokon vil eg heller kutte ut alle, slik at det vert rettferdig.

Så, hovudproblemet mitt er; det vil vere meist NATURLEG for meg å invitere mine tantar og onklar om han skal ha med foreldra til sine tremenninger, MEN det ville vore meir naturleg for mi ideelle gjesteliste om eg unnlot å invitere dei og heller prioriterte nokre fleire av venene mine.

Kva meiner de? Utan mine tantar og onklar er det berre foreldra mine frå mi side som er "veldig" vaksne. Men så har han liksom ikkje så mange andre "veldig" vaksne i familien sin..