Dra til Helsinki på bryllaupsreise

Helsinki (eller Helsingfors, som det eigentleg heiter på norsk) er ein by få forbinder med bryllaupsreise, men byen har faktisk det meste som eit nygift brudepar kan ønske seg.

Vi har vore i Helsingfors fleire ganger, og drar gjerne tilbake. Byen er ein moderne storby med mykje fin arkitektur og eit fantastisk kulturliv. Er ein ute etter sol og bad, så er det også moglegheiter for dette.

Byen byr på mange fine hotell, der Hotel Kämp med historie heilt tilbake til 1887 kanskje er det finaste og mest sentrale.

Her kjem ei rekkje med minnesverdige attraksjonar og aktivitetar i Helsingfors:

Domkyrkja

Denne kvite og mektige kyrkja ligger midt i Helsingfors sentrum, og er absolutt verdt eit besøk. 13. desember er eit stort tal av innbyggjarane samla her når Santa Lucia går ned trappene, med eit slep av terner og nissar.

Tempelkyrkja

Tempelkyrkja er ei anna kyrkje som er verdt å stikke innom. Kyrkja er sprengd inn i fjellet, og er open for alle.

Torni

For å finne den finaste utsikten over byen må ein ta turen opp til toppen av Sokos Hotel Torni. Der er det ein bar (Ateljee Bar) med balkongar der ein får utsikt over heile byen. Toaletta er faktisk også verdt eit besøk. Der kan ein sitje og nyte den samme fantastiske utsikta gjennom eit kjempe stort vindauge. Litt av ein opplevelse 🙂

Symjestadion og Hietsu

Om ein har lyst å slappe av med sol og bad, så er det berre å ta turen til Hietaniemi stranda («Hietsu»). Den ligger ikkje langt frå kjerna av byen, og byr på 100-vis av meter med kvit sand. Her er det til og med «lov» å ta seg ein øl eller eit glas vin utan å bli forstyrra av onkel politi. Sol og bad finn ein også på Helingfors symjestadion. Dette er eit utandørs bassenganlegg som vart bygd til OL i 1940, som så vart avlyst pga krigen, men anlegget vart likevel brukt då det i 1952 vart arrangert sommar-OL i Helsinki.

Sporakoff

Dette er nok den mest originale attraksjonen i Helsingfors. Sporakoff er ein trikk som køyrer ei runde på ca 1 time gjennom heile byen. Det som er spesielt med denne trikken er at det også er ein pub. Ein betalar eit eingangsbeløp når ein går på trikken, og så betalar ein for det ein drikker ombord. Utan tvil den kjekkaste måten å sjå store delar av byen på.

 

Finnane er veldig turistvenlege, og servicen er jamt over veldig god. Ein må ikkje forventa at nokon skjønar norsk, men dei fleste forstår og snakkar godt engelsk.

Om ein er ute etter noko litt meir enn berre sol og bad, og syns at Thailand er litt langt å reise til, så syns eg at Helsinki er eit veldig bra reisemål, både med tanke på bryllaupsferie og elles.

 

Bryllaupsreisefaktor: 7 av 10