Eg skal fjerne mitt mellomnamn (sidan eg allereie har tre namn, så eg fjernar det siste leddet i dobbeltnamnet mitt), behalde mitt noverande etternamn som mellomnamn og ta hans etternamn.
Har tenkt lenge på om dette er rett fordi eg syns det er noko drastisk å fjerne ein del av fornamnet mitt, men eg var bestemt på å ta hans etternamn og det var uaktuelt å ha heile fire namn.
Fann ut at eg hadde større forhold til mitt noverande etternamn enn til mellomnamnet mitt sidan eg aldri nyttar dette mellomnamnet til vanleg, blir ein lettelse å bli kvitt det eigentleg
Heldigvis var det greit for mine herlege foreldre, for det er jo trass alt dei som har gitt meg dobbeltnamnet, så lenge dei framleis får kalle meg det frå tid til anna, hihi

Høyrer med til historia at eg skulle ønske at min kjære ville ta mitt etternamn som mellomnamn og behalde sitt som etternamn, for eg syns det er så romantisk å saman heite noko som ingen andre i verda heiter, men det kjem ikkje på tale for min kommande mann
Og våre etternamn som passar så perfekt ilag og! Men men, eg skal ikkje tvinge han, men me har hatt nokre feministdiskusjonar i heimen rundt dette spørsmålet
Han er sjølvsagt veldig glad for at eg vil ta hans namn og innrømmer at han hadde blitt litt skuffa viss eg ikkje hadde gjort det, men å ta mitt er uaktuelt ja! Tradisjonane sit djupt i oss nordmenn enda, hihi